धनगढी, २० असोज  : धनगढी उपमहानगरपालिका–१० जुगेडामा निशर्ग इन्डो-नेपाल जुगेडा कप–२०८३ भलिबल प्रतियोगिता सुरु भएको छ। प्रतियोगिताको मंगलबार एक कार्यक्रमबीच उद्घाटन गरिएको हो। प्रतियोगिताको उद्घाटन धनगढी उपमहानगरपालिका–१० का अध्यक्ष शिवकुमार रानाले गरेका थिए ।

कार्यक्रममा धनगढी–७ का अध्यक्ष मोती राना विशिष्ट अतिथिका रूपमा तथा नेपाली भारत मैत्री संघका राजीव गुप्ता विशिष्ट अतिथिका रूपमा सहभागी थिए। प्रतियोगिताको उद्घाटन खेलमा टिम जुगेडा र टिम सेवा प्रिन्टिङ प्रेसबीच प्रतिस्पर्धा भइरहेको प्रतियोगिता संयोजक सुरज रानाले जानकारी दिए। प्रतियोगितामा कुल ८ टोलीको सहभागिता रहेको छ।

प्रतियोगिताको विजेता टोलीले २ लाख रुपैयाँ नगद पुरस्कार प्राप्त गर्ने आयोजकले जनाएको छ। प्रतियोगितालाई स्थानीयस्तरमा खेलकुदको विकास तथा खेलाडीको क्षमता प्रदर्शन गर्ने अवसरका रूपमा लिइएको छ। कार्यक्रमका खेल संयोजक तथा उद्घाटन समारोहका अध्यक्ष रानाले गरिरहेका छन्।

यो खबर पढेर तपाईलाई कस्तो महसुस भयो ?

धनगढी ,२० असोज : धनगढीमा जारी दशौँ संस्करणको एसपिए लिटल फ्लावर प्राइड लिग सिनियर टी–२० क्रिकेट प्रतियोगिता अन्तरर्गत लिग चरणका खेलहरु सम्पन्न भएका छन ।

समूह ‘ए’ बाट महेन्द्रनगरको मोर्निङ्ग ग्लोरी स्कुल,समूह ‘बी ‘बाट अनिरुद्ध्र जिडी ग्रुप धनगढी,समूह ‘सी’ बाट एरिष्टो माध्यमिक विद्यालय धनगढी र समूह ‘डी’ बाट घोडाघोडी सामुदायिक विद्यालय समूह विजेता बन्दै सेमिफाइनल प्रवेश गरेका छन ।

बुधबार बिहान ९ बजे हुने पहिलो सेमिफाइनल खेल समूह ‘ए’ को विजेता टोली मोर्निङ्ग ग्लोरी स्कुल महेन्द्रनगरका विरुद्ध समूह ‘सी’ को विजेता एरिष्टो माध्यमिक विद्यालय धनगढीका बीच हुनेछ भने मध्यान १ बजे हुने दोश्रो सेमिफाइनल खेल समूह ‘बी’ बो विजेता अनिरुद्ध्र जिडी ग्रुप धनगढीका विरुद्ध समूह ‘डी’ को विजेता घोडाघोडी सामुदायिक विद्यालयका बीच हुनेछ । फाइनल खेल बिहिबार हुनेछ ।

गत असोज १५ गतेबाट सुरु भएको यस सिनियर टी–२० क्रिकेट प्रतियोगिताको विजेता टोलीले नगद २ लाख,आकर्षक ट्रफी,मेडल प्रमाणपत्र र उपविजेता टोलीले नगद रु १ लाख आकर्षक ट्रफी,मेडल र प्रमाणपत्र प्राप्त गर्नेछन । त्यस्तै विधागत रुपमा उत्कृष्ट प्रर्दशन गर्ने खेलाडीले पनि नगदसहित ट्रफी प्राप्त गर्नेछन प्रतियोगितामा देशभरका १५ टोलीले प्रतिस्पर्धा गरेका थिए ।

यो खबर पढेर तपाईलाई कस्तो महसुस भयो ?