काठमाडौँ । तेस्रो संस्करणको नेपाल प्रिमियर लिग (एनपीएल)मा शुक्रबारको दोस्रो खेलमा चितवन राईनोजले जनकपुर बोल्ट्सलाई ४ विकेटले हराउँदै प्ले अफ नजिक पुगेको छ । जनकपुरले दिएको ८९ रनको लक्ष्य पछ्याएको चितवनले १७ ओभर २ बलमा ६ विकेट गुमाएर लक्ष्य पूरा गर्यो ।

चितवनका डेभिड मलानले ३९ बलमा १ छक्कासहित अविजित ३५ रन बनाए । यस्तै कुशल मल्लले २५ बलमा १ चौकासहित १५, रवि बोपाराले १६ बलमा ३ चौकासहित १३ र कामिल मिश्राले ६ बलमा १ छक्का र १ चौकासहित १२ रन बनाए । जनकपुरका राहुल यादवले ३, कप्तान हर्मित सिंहले २ र विशाल शुस्लिङले १ विकेट लिए ।

त्यसअघि कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर ब्याटिङ गरेको जनकपुरले निर्धारित २० ओभरमा ९ विकेट गुमाएर ८८ रन बनाएको थियो ।
जनकपुरका कप्तान हर्मित सिंहले २५ बलमा १ छक्का र २ चौकासहित २५, विशाल शुस्लिङले १३ बलमा १ छक्का र १ चौकासहित १५ रन र सन्तोष कार्कीले ११ बलमा १ छक्कासहित १० रन बनाए ।

चितवनका रन्जित कुमारले ३ ओभरमा १ मेडेन राख्दै २ रन खर्चेर ३ विकेट लिए । यस्तै कप्तान सिकन्दर राजा, कमलसिंह ऐरी र कामिल मिश्राले समान २ तथा रिजन ढकालले १ विकेट लिए । यो जितसँगै चितवन ६ खेलमा ७ अंकसहित चौथो स्थानमा पुगेको छ भने पराजित जनकपुर ७ खेलमा ४ अंकसहित लिग चरणबाटै बाहिरिएको छ । चितवनको जितले कर्णाली याक्स पनि लिग चरणबाटै बाहिरिएको छ । कर्णालीको ६ खेलमा ४ अंकमात्रै छ । उसको एक खेल बाँकि छ ।

काठमाडौँमा जारी नेपाल प्रिमियर लिग (एनपीएल) क्रिकेट प्रतियोगिताअन्तर्गत आज शुक्रबार दुई महत्त्वपूर्ण खेल हुँदै छन्।कीर्तिपुरस्थित क्रिकेट मैदानमा हुने पहिलो खेलमा काठमाडौँ गोर्खाज र सुदूरपश्चिम रोयल्स तथा दोस्रो खेलमा जनकपुर बोल्ट्स र चितवन राइनोज भिड्दै छन्।

पहिलो खेल दिउँसो साढे १२ बजे र दोस्रो खेल साँझ ५ बजे सुरु हुनेछन्।दुवै टोली हाल समान ८ अंकसहित तालिकाको दोस्रो र तेस्रो स्थानमा छन्। आज जित्ने टोलीले शीर्ष ४ मा स्थान पक्का गर्नेछ।

यस्तै आज जनकपुर र चितवन प्लेअफ दौडमा रहिरहन खेल जित्नैपर्ने दबाब छन्।दुई खेल बाँकी रहेको चितवनलाई जितको विकल्प छैन।उता अन्तिम खेल खेल्न लागेको जनकपुरलाई भने जितसँगै अन्य टोलीको नतिजा पनि अनुकूल हुनुपर्नेछ। पाँच खेल खेलेका चितवनसँग ५ अंक र जनकपुरसँग ४ अंक छन्।आज जित्यो भने जनकपुरको ६ हुनेछ। यद्यपि प्लेअफका अन्य टोलीको नतिजामा भर पर्नुपर्नेछ।